my oupa

1930 - 2013

My Oupa

Met hande, hard en sterk

van jare se arbeid

en sorg vir sy familie

Reg vir terg, maar liefdevol

en vol omgee

Teen die einde...krom

en soekend na hulp

Maar besig waar hy nou is - 

om te skaaf en te bak en te brou.

Sy lyf, groot en veilig

en só bekend.

Die lyf wat my gedra het as kind,

wat my leer boomklim het 

en my beskerm het van die kwaad.

Wat daar was van ek kan onthou...

Gebreek deur die jare, 

maar trots tot op die laaste.

Sy mond - altyd reg vir lag

- vol wyse woorde en staaltjies 

van Jakkals en Wolf

en van Master Jack.

Wat kon fluit en sing en smul.

Wat my geleer het van God, 

en die smal weg

en van aanhouer wen.

Sy oë - so vol siel en leef

- wat inkyk in jou hart.

Vol vonkel saam sy vrou

en trots vir sy kinders

en vol vreugde as sy

kleinkinders om hom is.

Die laaste kuier - 

vol trane van groet

en nou vir altyd toe...

Ek mis Oupa 

Karlietjie