Vir Xander
met jou kraal-ogies
en kraai-skaterlaggie
met jou kennetjie-bak
en klein kielie-lyfie
het jy my hart gesteel
met jou pa se sekel-ore
en sy seunsvoete
met jou sagte snoepneusie
en soen- spoegmondjie
gryp jy al my liefde
jou asem
jou reukie
jou kiertsregop hare
jou skaam skouers
jou onskuld
jou soeke na my
niks sal ooit weer dieselfde wees nie
en aan jou
sal ek vashou
stywer as wat die wilde wind
sy kind omvou…
No comments:
Post a Comment