Ek skryf in Engels, want meeste van my goeie en getroue volgelinge is Engels, maar ek wil dit duidelik maak en indien moontlik uitbasuin, dat ek `n Afrikaanse boeremeisie in murg en been is en dat die taal van my hart steeds suiwer Afrikaans bly.
Engels is maklik en gerieflik om te gebruik in hierdie veelsydige land van ons en ek dink Engels is `n baie mooi taal op sy manier. Maar daar is geen taal soos My Taal, geen taal wat woorde so beskrywend soos "kraakvars" en "opkikker" en so mooi soos "appelliefies" en "heimwee" het nie, geen taal wat my bekoor, oor en oor soos Afrikaans nie.
Net vir ingeval jy my nie glo oor die wonder en die magie van My Taal nie, hier is `n paar gedigte en lirieke vir jou om deur te lees, toegewikkel onder `n warm kombers, met `n stomende koppie boeretroos in jou hand, weggevoer in `n oomblik van skoonheid, daardie oomblik waar alles sin maak, want jy het iets ontdek in die woorde van prosa en poësie wat jou verwonderd agterlaat...
Skink nog `n uur in jou glas my maat, huppel saam met die hoepelkinders en hoor die fluistering in die windstilte...
Nokturne
Koos du Plessis
"En die
nagwind sê volkome:
elkeen droom sy
volste drome —
en bly
alleen.
En die vrese wieg
soos bome
in die nagwind en
die reën."
Nagliedjie
NP van Wyk Louw
Vannag in hierdie
helder stilte
dink ek net aan
jou,
treur ek soos die
wilger, oor die
waat're van my
rou.
Jy is soos 'n
ster vir my,
ver en stil en
rein;
en my siel die
donker water
waar jou beeld in
skyn
Dagdroom
Elisabeth Eybers
Elisabeth Eybers
Ek het jou brief gelees
terwyl ek eet,
die woordesoet het oor my
tong gesprei.
Verby die aardse brood het
ek gestaar
dwarsdeur die bome in die
raam,
dwarsdeur die grys
wolkeplafon
tot in die paradys waar
alles lig en helder is.
En net soos in die Bybel
was ons naak
en het ek, aangekla, gou
hom die skuld gegee
wat skemerig sis. . . toe
ek opeens gewaar
dat ek my halfgerookte
sigaret
aftik in my twee-derde
koppie tee.
Hoe
ek voel
Johannes
Kerkorrel
As ek jou net kon vertel
as ek jou net kon laat
sien
sou ek `n skilder opdrag
gee
om `n prent vir jou te
maak
en as hy eindelik
klaarmaak
as hy sy meesterstuk
voltooi
sou jy weet, jy sou weet
as jy teen die tyd nog
vergeet
hoe ek voel, hoe ek voel
oor jou
As ek jou net kon laat
sien
as ek jou net kon laat
lees
sou ek `n faksmasjien gaan
huur
en gedigte vir jou stuur
en as jy anderkant dit kry
as jy dit uithaal en jy
kyk
sou jy weet, jy sou weet
as jy teen die tyd nog
vergeet
hoe ek voel, hoe ek voel
oor jou
As ek jou net kon laat
lees
as ek jou net kon laat
hoor
sou ek `n koor na jou toe
stuur
`n serenade in die
laatnaguur
en as jy wakker word een
aand
en jou vensters staan wyd
oop
sou jy weet, jy sou weet
as jy teen die tyd nog
vergeet
hoe ek voel, hoe ek voel
oor jou
Die Taal van my Hart is Suiwer Afrikaans...
van die hand na die mond...val ons taal op die grond...
ReplyDelete