Ek het n ma persent gekry so hele paar jaar terug
my tee ma, wat haar fyn porselein met my deel
my boek ma, wat die mooiste woorde laat leef
die ma wat se kombuis die geure van haar siel verraai
die ma wat lief is vir bederf
die blomme ma, wat net weet wat pas by wat
sy is ‘n raakvat ma, ‘n omgee ma, ‘n ek glo jou my kind ma
sy’s ‘n rots vrou, ‘n wilgerboom rus mens,
‘n kleurvolle kind wat speel met die wind, dapper en vry
so is sy, dag na dag
die persent-ma van my
